Поведание о чюдесех святаго Варлаама Керецкаго чюдотворца.
Просмотров: 1481
Чюдо 1.
В лета 7172 году месяца чюдо. Поведа нам некий муж именем Петр Васильев по реклом Буторин.
«Юну ми сущи, первое на десять лето возраста моего упражняюща же ся со отец в рыбных ловитвах в Соностровах, видение таковое во сне виде, яко пло/л. 4/вущу нам со отцем моим в карбасе против Шарапова наволока напрасно возъярися море волнами и наполнися судно наше воды. Аз бых яко во иступлении ума, и паки видех ину волну идущу и хотящи покрыти судно наше, и озрехъся, и видех в судне нашем старца седа брадою защищающа нас от волны тоя. И абие внезапу обретеся судно наше во отишии за коргою. И егда избави нас от потопления, и рече нам: «Потонути было бы вам, аще не бы /л. 4 об./ аз, Варлаам из Керети». И повеле ми поведати людем. Аз же возбнув и начат поведати отцу моему бывшее видение. Он же яко младенцу мне не внимаше себе во ум. Наутрии же узрехом лодью в море идущу. И егда близ им бывши, ино судно прииде к нам з другие тони и поведа наша иде керецкая лодья пришла. Но аз не смеяше ехати к ней, понеже зыби на море много. Отец же мой внезапу начат глаголати: «Поедем мы в волость хле/л. 5/ба ради». И поехаша, и ветру сущу велику. Егда бывшим нам у Шарапова наволока, напрасно пришед волна и наполни карбас наш воды. Нам же в недоумении велицем бывшим и ужаснися. И паки видехом вторую волну, лютее той ярящуся, покрыти нас хотящу. Нам же до конца отчаявшимся живота своего. И абие внезапу судно наше, никимже направляемо, обретеся за коргою у брега. Мы же возрадовахом велми, выливши /л. 5 об./ воду ис карбаса и доидохом в волость. По пяти же днех яви ми ся паки той же во сне старец в трапезе, поношая мне и ужасая, хотяше мя бити дубцы. И глаголющи: «Что ты мною бывшее вам не поведа всем человеком деяния моего?» И повеле поведати людем».
Чюдо 2.
Той же муж поведа нам. Бысть некто от велмож царевых, правя в Колском острови воеводскую власть при благоверном /л. 6/ царе Михаиле Феодоровиче всея Русии, литовския воин, емуже имя Гурий Иванов сын Волынцов. Бысть же ему черная болезнь, и недоумевающеся, како бы ему болезни тоя избыти. Явися святый Варлаам в той болезни. Той же муж начат глаголати ему: «Аз есмь Варлаам ис Керети». Той же велможа возбнувся от болезни своея, яко от сна, /л. 6 об./ и начат поведати, еже виде, и вопрошати: «Кто есть той Варлаам?» И поведаша ему во граде живущии: «Той в древна лета таков муж священствовав в Колцком острове, после в Керети жил иноком, тамо преставися». Той же велможа посла на взыскания, кто есть той веси живущии в том граде обрете пришелца Керецкой волости жилца Василья именем пореклом Мухина вопрошая его о святом Варлаа/л. 7/ме, како и где положено честное тело его. Он же Василей поведа ему подробну вся еже о святом, и яко в небрежении ему на месте, на немже положен, тамо пребывает. Той же преждереченный велможа Гурий начат с тем Васильем совещати, да бы сотворил ему сень над гробом святаго Варлаама крест поставить, и даст ему сребро на устроение. Василий же той възем сребро, и прииде в Кереть, и по повелению оного воеводы /л. 7 об./ содела гробницу над гробом святаго. Велможа же той избавлен бысть от духа нечистаго молитвами преподобнаго Варлаама.
Чюдо 3.
Поведаше сице некия мужи купцы града Каргополя, имя единому Ияков порекло Носков, а другой имя Ефимий рече.
«Идущим нам на лодьи до Онискаго устья в куплю. И егда пробежавшим Соловецкой остров, и бывшим на болшем море, /л. 8/ и наехаша ледов много. И обыдоша лодью нашу отвсюду леду, яко ни противнутися могущим нам сквозение ледов идущим на лодью и погубить нас хотящим. Много нам трудившимъся, ничтоже нам успевшим, всем живота своего отчаявшимся. Прежде реченному же оному мужу Ефимию стоящу в корме опершуся о палубу, от великия печали воздремавшуся. И абие явися ему на лодьи старец, вопрошая бо: /л. 8 об./ «Далече ли путь ваш, братие?» Он же глаголя: «Идем в Поморие торговати, и ныне льдем нас затерло, и вси хощем погибнути». Старцу же рекшу: «Не скорби, брате, но поедите в Кереть, и Бог даст вам путь». Сам же иде на нос и начат лды распихивать. Ефимию же возбнувшуся и не виде никогоже, токмо дружину свою, сущую с ними на лодьи. И начат им поведати, еже виде во сне. И внезапу бысть яко дорога сквозь лдеи. Они же возра/л. 9/довашася и начаша просноятися. И абие повеявшу ветру поносному, и выехаша на мере (так!) ничимъже вредими. Прииде в Кереть, поведаша им вслух живущим то явление святаго Варлаама, како их Бог избави от тоя погибели молитвами его. И того ради чюдеси муж той Ефимий содела над гробом преподобнаго часовню, оттоле веру держа ко святому.
Чюдо 4. /л. 9/
Той же муж поведаше нам. Двиненину некоему именем Никифору со своими клевреты идущу с Мурманскаго. Егда бывшу ему против Святаго Носа, начат труждать их ветрянная буря. И древо парусное у их сломило и парус унесло в море. Волны же вливахуся на лодью, и снесло у них с лодьи все волнами, и отнесло их на лодьи в пучину морскую. Уже им всем отчаявшимся живота /л. 9 об./ своего, и занесло в плавании их в пучину морскую. Многим же днем минувшим, явися тому Никифору во сне ему начат глаголати: «Что вы впадосте во отчаяние? Парус ваш под лодьею, а древо с ногами тудже под лодьею. И вы того древа наставте, не плошися промышляйте. Бог вас вынесет». Никифору же тому в недоумение бывъшу от видения, начат поведати дружине своей, глаголаху: «Где, /л. 10/ братие, парус? Мы его не видим». И начаша напрасно семо и овамо искати. И абие обретоша парус под лодьею, и едва извлекоша на лодью, там же и древо и весла. Они же, много трудившися, изнемогоша, и сон объят их. Паки явися им той же муж, глаголя: «Помышляйте и призывайте еще Бога на помощь, и вынесет Бог». Никифору же оному вопрошающу его: «Кто ты, господине мой, сице в помышлении /л. 10 об./ нашем твориши о нас, печешися?» Той же отвеща: «Аз есмь ис Керети Варлаам». Никифору же оному не ведущу его и не смея вопрошати. И дружини своей о нем такоже не ведущим им всем его. Начаша обычная на лодьи уготовляти и промышляти о бытнем шествии своем. И видеша яко дорогу, расплывающуся пред ними лед той, абие ветру возвеявшу поносному им. В третий день /л. 11/ достигоша Двинскаго устья.
Во второе лето по явлении том прииде муж той Никифор в Кереть, вопрошая его, кто есть и где таков муж нарицаемый Варлаам, чая бо его жива еще суща. Живущии ту поведаша ему, яко: «Той святый во успении явися избавить тя молитвами его от потопления». И показаша ему гроб святаго. Той же Никифор принесе свещи многи и положиша на гроб его, моля преподобнаго отца Варлаама о избавлении своем.
В лета 7172 году месяца чюдо. Поведа нам некий муж именем Петр Васильев по реклом Буторин.
«Юну ми сущи, первое на десять лето возраста моего упражняюща же ся со отец в рыбных ловитвах в Соностровах, видение таковое во сне виде, яко пло/л. 4/вущу нам со отцем моим в карбасе против Шарапова наволока напрасно возъярися море волнами и наполнися судно наше воды. Аз бых яко во иступлении ума, и паки видех ину волну идущу и хотящи покрыти судно наше, и озрехъся, и видех в судне нашем старца седа брадою защищающа нас от волны тоя. И абие внезапу обретеся судно наше во отишии за коргою. И егда избави нас от потопления, и рече нам: «Потонути было бы вам, аще не бы /л. 4 об./ аз, Варлаам из Керети». И повеле ми поведати людем. Аз же возбнув и начат поведати отцу моему бывшее видение. Он же яко младенцу мне не внимаше себе во ум. Наутрии же узрехом лодью в море идущу. И егда близ им бывши, ино судно прииде к нам з другие тони и поведа наша иде керецкая лодья пришла. Но аз не смеяше ехати к ней, понеже зыби на море много. Отец же мой внезапу начат глаголати: «Поедем мы в волость хле/л. 5/ба ради». И поехаша, и ветру сущу велику. Егда бывшим нам у Шарапова наволока, напрасно пришед волна и наполни карбас наш воды. Нам же в недоумении велицем бывшим и ужаснися. И паки видехом вторую волну, лютее той ярящуся, покрыти нас хотящу. Нам же до конца отчаявшимся живота своего. И абие внезапу судно наше, никимже направляемо, обретеся за коргою у брега. Мы же возрадовахом велми, выливши /л. 5 об./ воду ис карбаса и доидохом в волость. По пяти же днех яви ми ся паки той же во сне старец в трапезе, поношая мне и ужасая, хотяше мя бити дубцы. И глаголющи: «Что ты мною бывшее вам не поведа всем человеком деяния моего?» И повеле поведати людем».
Чюдо 2.
Той же муж поведа нам. Бысть некто от велмож царевых, правя в Колском острови воеводскую власть при благоверном /л. 6/ царе Михаиле Феодоровиче всея Русии, литовския воин, емуже имя Гурий Иванов сын Волынцов. Бысть же ему черная болезнь, и недоумевающеся, како бы ему болезни тоя избыти. Явися святый Варлаам в той болезни. Той же муж начат глаголати ему: «Аз есмь Варлаам ис Керети». Той же велможа возбнувся от болезни своея, яко от сна, /л. 6 об./ и начат поведати, еже виде, и вопрошати: «Кто есть той Варлаам?» И поведаша ему во граде живущии: «Той в древна лета таков муж священствовав в Колцком острове, после в Керети жил иноком, тамо преставися». Той же велможа посла на взыскания, кто есть той веси живущии в том граде обрете пришелца Керецкой волости жилца Василья именем пореклом Мухина вопрошая его о святом Варлаа/л. 7/ме, како и где положено честное тело его. Он же Василей поведа ему подробну вся еже о святом, и яко в небрежении ему на месте, на немже положен, тамо пребывает. Той же преждереченный велможа Гурий начат с тем Васильем совещати, да бы сотворил ему сень над гробом святаго Варлаама крест поставить, и даст ему сребро на устроение. Василий же той възем сребро, и прииде в Кереть, и по повелению оного воеводы /л. 7 об./ содела гробницу над гробом святаго. Велможа же той избавлен бысть от духа нечистаго молитвами преподобнаго Варлаама.
Чюдо 3.
Поведаше сице некия мужи купцы града Каргополя, имя единому Ияков порекло Носков, а другой имя Ефимий рече.
«Идущим нам на лодьи до Онискаго устья в куплю. И егда пробежавшим Соловецкой остров, и бывшим на болшем море, /л. 8/ и наехаша ледов много. И обыдоша лодью нашу отвсюду леду, яко ни противнутися могущим нам сквозение ледов идущим на лодью и погубить нас хотящим. Много нам трудившимъся, ничтоже нам успевшим, всем живота своего отчаявшимся. Прежде реченному же оному мужу Ефимию стоящу в корме опершуся о палубу, от великия печали воздремавшуся. И абие явися ему на лодьи старец, вопрошая бо: /л. 8 об./ «Далече ли путь ваш, братие?» Он же глаголя: «Идем в Поморие торговати, и ныне льдем нас затерло, и вси хощем погибнути». Старцу же рекшу: «Не скорби, брате, но поедите в Кереть, и Бог даст вам путь». Сам же иде на нос и начат лды распихивать. Ефимию же возбнувшуся и не виде никогоже, токмо дружину свою, сущую с ними на лодьи. И начат им поведати, еже виде во сне. И внезапу бысть яко дорога сквозь лдеи. Они же возра/л. 9/довашася и начаша просноятися. И абие повеявшу ветру поносному, и выехаша на мере (так!) ничимъже вредими. Прииде в Кереть, поведаша им вслух живущим то явление святаго Варлаама, како их Бог избави от тоя погибели молитвами его. И того ради чюдеси муж той Ефимий содела над гробом преподобнаго часовню, оттоле веру держа ко святому.
Чюдо 4. /л. 9/
Той же муж поведаше нам. Двиненину некоему именем Никифору со своими клевреты идущу с Мурманскаго. Егда бывшу ему против Святаго Носа, начат труждать их ветрянная буря. И древо парусное у их сломило и парус унесло в море. Волны же вливахуся на лодью, и снесло у них с лодьи все волнами, и отнесло их на лодьи в пучину морскую. Уже им всем отчаявшимся живота /л. 9 об./ своего, и занесло в плавании их в пучину морскую. Многим же днем минувшим, явися тому Никифору во сне ему начат глаголати: «Что вы впадосте во отчаяние? Парус ваш под лодьею, а древо с ногами тудже под лодьею. И вы того древа наставте, не плошися промышляйте. Бог вас вынесет». Никифору же тому в недоумение бывъшу от видения, начат поведати дружине своей, глаголаху: «Где, /л. 10/ братие, парус? Мы его не видим». И начаша напрасно семо и овамо искати. И абие обретоша парус под лодьею, и едва извлекоша на лодью, там же и древо и весла. Они же, много трудившися, изнемогоша, и сон объят их. Паки явися им той же муж, глаголя: «Помышляйте и призывайте еще Бога на помощь, и вынесет Бог». Никифору же оному вопрошающу его: «Кто ты, господине мой, сице в помышлении /л. 10 об./ нашем твориши о нас, печешися?» Той же отвеща: «Аз есмь ис Керети Варлаам». Никифору же оному не ведущу его и не смея вопрошати. И дружини своей о нем такоже не ведущим им всем его. Начаша обычная на лодьи уготовляти и промышляти о бытнем шествии своем. И видеша яко дорогу, расплывающуся пред ними лед той, абие ветру возвеявшу поносному им. В третий день /л. 11/ достигоша Двинскаго устья.
Во второе лето по явлении том прииде муж той Никифор в Кереть, вопрошая его, кто есть и где таков муж нарицаемый Варлаам, чая бо его жива еще суща. Живущии ту поведаша ему, яко: «Той святый во успении явися избавить тя молитвами его от потопления». И показаша ему гроб святаго. Той же Никифор принесе свещи многи и положиша на гроб его, моля преподобнаго отца Варлаама о избавлении своем.